09.06.2026 | 15:05
25 օր կծառայեն, կգնան. ԳՇ պետը`այլ պետություններից եկած քաղաքացիներին վարժական հավաքների տանելու մասին․ ՏԵՍԱՆՅՈՒԹ
Ռուբեն Վարդանյանի շինծու գործերով նիստում Բաքվի դատարանում կրկին «տուժողներն» են ցուցմունք տվել
Քաղաքականություն
22.11.2025 | 12:34
Արցախի նախկին պետնախարար Ռուբեն Վարդանյանի շինծու գործերով հերթական դատական նիստն է կայացել Բաքվի զինվորական դատարանում, որը նախագահել է դատավոր Զեյնալ Աղաևը։
Ադրբեջանական լրատվամիջոցները հաղորդմամբ՝ նիստին լսվել են, այսպես կոչված, «տուժողների» ցուցմունքները։ Օրինակ՝ պատասխանելով գլխավոր դատախազ ավագ օգնական Վյուսալ Ալիևի ՝ «տուժող» Բեյլեր Շաբանովը նշել է, թե Մատաղիսից Մարտակերտ-Քարվաճառի ուղղությամբ մեքենայով երթևեկելիս, իբրև թե, «հայկական բանակի մնացորդները և հայկական անօրինական զինված կազմավորումները կրակ են բացել նրանց «Նիվա» մակնիշի մեքենայի վրա»: Միջադեպի հետևանքով, իբրև, մեքենային լուրջ վնաս է հասցվել:
Այսպես տարբեր «տուժողների» ցուցմունքներ են ներկայացվել։
Հիշեցնենք, որ նախորդ նիստում կրկին «տուժողներն» էին ցուցմունք տվել։
Հաջորդ դատական նիստը նշանակվել է նոյեմբերի 24-ին։
Թարգմանությունը՝ Էմմա Չոբանյանի
