Սպիտակի գործող համայնքապետը կրկին առաջադրվում է․ ինչ պատմություններով է հիշվում Քաջայր Նիկողոսյանը

Լուրեր

21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
Բոլորը

Նոյեմբերի 29-ին կայանալիք Սպիտակ համայնքի ավագանու ընտրություններում «Քաղաքացիական պայմանագիր» կուսակցության նախընտրական ցուցակը գլխավորելու է Քաջայր Նիկողոսյանը։
ՆԳՆ նախնական տվյալներով՝ համայնքն ունի 30,662 ընտրող։

Նիկողոսյանը «Քաղաքացիական պայմանագիր» կուսակցության անդամ է։ Նա սկսել է պաշտոնավարել 2021-ից։ Նիկողոսյանը նաև ՔՊ-ի Սպիտակի տարածքային խորհրդի նախագահն է։
Նիկողոսյանի վերաբերյալ ամենաշատ քննարկված պատմություններից մեկը 2025-ի նարդու առաջնությունն է։ Համայնքապետարանը կազմակերպել էր «Սպիտակ համայնքի ղեկավարի գավաթ» նարդու մրցաշարը, որին Նիկողոսյանն ինքն էլ մասնակցել էր, գրավել երրորդ տեղը և համայնքային բյուջեից ստացել 90 հազար դրամ մրցանակ։ Հետագայում Կոռուպցիայի կանխարգելման հանձնաժողովը իրավիճակը գնահատեց որպես շահերի բախում, և Նիկողոսյանը գումարը վերադարձրեց համայնքի բյուջե։

Դրանից առաջ՝ 2024-ին, «Ազատությունը» գրել էր, որ Նիկողոսյանը Սպիտակի օրվա առթիվ իրեն և համայնքապետարանի ևս 9 աշխատակցի պարգևատրել է ամսական աշխատավարձի 100 տոկոսի չափով։

Նրա ընտանիքի հետ կապված ևս մեկ լայնորեն լուսաբանված պատմություն վերաբերում է որդուն՝ Գոռ Նիկողոսյանին։ Վերջինս 2024 թվականին դատապարտվել է մեկ տարվա պայմանական ազատազրկման՝ Սարամեջի վարչական ղեկավարի ամուսնուն ծեծելու և թեթև մարմնական վնաս պատճառելու համար։ Դեպքից հետո Գոռ Նիկողոսյանը նշանակվել էր «Հայփոստ»-ի Սպիտակի բաժանմունքի տնօրեն։

Բացի այդ, վերջերս Factor TV-ն գրել է Սպիտակի թիվ 2 մանկապարտեզի տնօրենի նշանակման շուրջ հնարավոր քաղաքական միջամտության մասին։ Մրցույթում մասնակցած Գոհար Վարդանյանը վարչապետ Նիկոլ Փաշինյանին հայտնել է, որ ինքը մյուս թեկնածուից ավելի լավ արդյունք է ցույց տվել, սակայն համայնքապետ Քաջայր Նիկողոսյանը տնօրեն է նշանակել Անի Աբրահամյանին՝ դա, ըստ դիմումատուի, կապելով Լոռու մարզպետ Արեն Մկրտչյանի և ԿԸՀ նախագահ Վահագն Հովակիմյանի հնարավոր միջամտության, ինչպես նաև առաջիկա ՏԻՄ ընտրություններում ՔՊ-ի աջակցության հետ։

Նյութում նաև ներկայացվում է, որ նշանակված թեկնածուն ճիշտ է պատասխանել հինգ հարցից երեքին, իսկ չնշանակվածը՝ բոլոր հինգին, սակայն երկուսն էլ հաղթահարել են մրցութային փուլը։

Համայնքապետարանը չի հիմնավորել, թե ինչ չափանիշով է վերջնական ընտրությունը կատարվել, իսկ Քննչական կոմիտեն հայտնել է, որ վարչապետի աշխատակազմից այս դեպքով հանցագործության մասին հաղորդում չի ստացել։

Եվգենյա Համբարձումյան