07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ռոնալդուն հերթական գոլն է խփել. ՏԵՍԱՆՅՈՒԹ
09.11.2025 | 10:05
Սաուդյան Արաբիայի առաջնության 8-րդ տուրում «Ալ Նասրը» Կրիշտիանու Ռոնալդուի գոլի օգնությամբ 3։1 հաշվով արտագնա հաղթանակ է տարել «Նեոմի» նկատմամբ։
Պորտուգալիայի հավաքականի ավագը 65-րդ րոպեին մրցակցի դարպասը գրավել է 11-մետրանոց հարվածով։ Դա 40-ամյա հարձակվողի 953-րդ գոլն էր կարիերայում։
Ընթացիկ առաջնությունում 100 տոկոսանոց ցուցանիշ ունեցող «Ալ Նասրը» 24 միավորով գլխավորում է մրցաշարային աղյուսակը և 3 միավոր առաջ է երկրորդ տեղում գտնվող «Աթ Թավունից»։
Կրիշտիանու Ռոնալդուն ընթացիկ առաջնության 8 խաղում խփել է 9 գոլ ու կատարել 1 ասիստ։ Նա 1 գոլ է զիջում իր ակումբակից, ռմբարկուների ցուցակը գլխավորող Ժոաու Ֆելիքսին։
Հիշեցնենք, որ այս ամիս Պորտուգալիայի հավաքականն անցկացնելու է երկու հանդիպում։ Մրցակիցներից մեկը նոյեմբերի 16-ին աշխարհի առաջնության եվրոպական գոտու ընտրական փուլի վերջին տուրի խաղում լինելու է Հայաստանի ազգային հավաքականը։
