05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
«Բավարիայի» նախագահը վերընտրվել է
Հասարակություն
03.11.2025 | 16:04
Հերբերտ Հայները վերընտրվել է Մյունխենի «Բավարիայի» նախագահի պաշտոնում, հաղորդում է ակումբի մամուլի ծառայությունը։
Ակումբի անդամների ամենամյա համաժողովի ընթացքում 71-ամյա գերմանացի ֆունկցիոները ստացել է ձայների ճնշող մեծամասնությունը` 95,63 տոկոս։
«Այս պաշտոնը մեծ պատասխանատվություն է, և ես պատիվ եմ համարում շարունակել ծառայել որպես այս եզակի ակումբի նախագահ»,- վերընտրվելուց հետո նշել է Հայները։
Հերբերտ Հայները 2019 թվականին է ընտրվել «Բավարիայի» նախագահ՝ փոխարինելով Ուլի Հյոնեսին։ Այս ընթացքում մյունխենյան ակումբը 6 անգամ դարձել է Գերմանիայի չեմպիոն, 2 անգամ՝ երկրի գավաթակիր, 4 անգամ՝ սուպերգավաթակիր, իսկ 2020 թվականին հաղթել է Չեմպիոնների լիգան, աշխարհի ակումբային առաջնությունն ու ՈՒԵՖԱ-ի Սուպերգավաթը։
