19.08.2026 | 22:13
Երեխային դաստիարակելիս ֆիզիկական բռնությունն անթույլատրելի է․ ՆԳ նախարարությունն իրազեկում է
Յանիկ Սիները նվաճել է հերթական տիտղոսը և դարձյալ աշխարհի առաջին ռակետն է․ ՏԵՍԱՆՅՈՒԹ
Հասարակություն
03.11.2025 | 13:10
Իտալացի Յանիկ Սիները Փարիզի «Մասթերս» շարքի մրցաշարի հաղթողի տիտղոսը նվաճելու շնորհիվ դարձյալ գլխավորել է Պրոֆեսիոնալ թենիսիստների ասոցիացիայի (ATP) դասակարգման աղյուսակը։
Եզրափակիչում 24-ամյա թենիսիստը 6:4, 7:6 (7:4) հաշվով ուժեղ է գտնվել աշխարհի 8-րդ ռակետ, կանադացի Ֆելիքս Օժե-Ալյասիմից։ Մրցախաղը տևել է 1 ժամ 51 րոպե։
Կարիերայի 23-րդ տիտղոսը նվաճած Սիները ATP-ի վարկանիշային ցուցակում միավորների քանակը հասցրել է 11500-ի և, շրջանցելով իսպանացի Կառլոս Ալկարասին (11250), վերադարձրել է աշխարհի առաջին ռակետի կոչումը։ Լավագույն եռյակը եզրափակում է Գերմանիայի ներկայացուցիչ Ալեքսանդր Զվերևը (5560)։
Ռուսաստանը ներկայացնող հայ թենիսիստ Կարեն Խաչանովը նահանջել է 4 աստիճան ու զբաղեցնում է 18-րդ տեղը (2,320 միավոր)։
Հայաստանը ներկայացնող 23-ամյա թենիսիստուհի Էլինա Ավանեսյանը Կանանց թենիսի ասոցիացիայի (WTA) դասակարգման աղյուսակում զբաղեցնում է 119-րդ տեղը։
