09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Քննարկվել են անվտանգության ոլորտում Հայաստան-Լիբանան համագործակցության հեռանկարները
Քաղաքականություն
31.10.2025 | 19:10
ՀՀ ԱԽ քարտուղար Արմեն Գրիգորյանը Լիբանանի պետական անվտանգության գլխավոր տնօրեն Էդգար Լավանդոսի հետ քննարկել է մի շարք հարցեր, այդ թվում՝ անվտանգության ոլորտում Հայաստան-Լիբանան համագործակցության հեռանկարները։ Այս մասին տեղեկացնում են ԱԽ գրասենյակից։
«Զրուցակիցներն ընդգծել են Հայաստանի և Լիբանանի միջև առկա ավանդական բարեկամական կապերը ու դրան համահունչ երկկողմ հարաբերությունների բազմաոլորտ զարգացման կարևորությունը:
Հանդիպմանը քննարկվել է Մերձավոր արևելքում տիրող անվտանգային իրավճակը, ինչպես նաև անվտանգության ոլորտում Հայաստան-Լիբանան համագործակցության հեռանկարները»,- ասված է հաղորդագրությունում:
Հիշեցնենք՝ Արմեն Գրիգորյանը Բահրեյնում անցկացվող «Մանամայի երկխոսություն 2025»-ի շրջանակներում հանդիպել էր նաև Կիպրոսի նախագահի ազգային անվտանգության խորհրդական և Հետախուզական ծառայության տնօրեն Թասոս Ցիոնիսի, Իրաքի նախագահի ազգային անվտանգության խորհրդական Քասիմ ալ-Արաջիի, Շվեյցարիայի ազգային անվտանգության խորհրդական Գաբրիել Լյուխինգերի հետ։
