16.11.2024 | 15:01
Սպանություն՝ բուժհաստատության բակում. ձերբակալվել է նույն հաստատության նախկին բուժառուն. ՔԿ
Հանրապետականն ունի շանսեր հայտնվելու խորհրդարանում. Արմեն Աշոտյան. ՏԵՍԱՆՅՈՒԹ
Քաղաքականություն
29.10.2018 | 15:47
Խորհրդարանը տվեց իր քաղաքական գնահատականը և ապացուցեց, որ ինքը կառավարության պատանդը չէ: Այս մասին այսօր Ընտրական օրենսգրքի նախագծի հերթական տապալված քվեարկությունից հետո լրագրողների հետ զրույցում ասաց ԱԺ ՀՀԿ խմբակցության պատգամավոր:
Հիշեցնենք՝ այսօր երկրորդ անգամ տապալվեց Ընտրական օրենսգրքի նախագծի քվեարկությունը: Այս անգամ անհրաժեշտ 63 քվեի փոխարեն կողմ քվեարկեց ընդամենը 62 պատգամավոր, դեմ՝ 2 պատգամավոր:
«Ազգային ժողովի վրա, անկախ բոլոր տեսակի գործադրվող միջոցներից, կառավարության կողմից ներազդելու փորձը ձախողվեց: Ձախողվեց նաև Հայաստանում հակաժողովրդավարական գործընթացների նման կերպով նախադեպ դնելու մշակույթը: Կարծում եմ՝ միջնաժամկետ պատմական առումով Նիկոլ Փաշինյանը պետք է շատ շնորհակալ լինի ՀՀԿ-ին, որ ցուցաբերեց քաղաքական սկզբունքայնություն, թույլ չտալու համար, որ Հայաստանը, լինելով Եվրոպայի խորհրդի անդամ, նման վայրագ կերպով վերաբերվեր Ընտրական օրենսգրքի բարեփոխումներին: Ընտրություններից 42 օր շուտ կարդինալ, էական փոփոխություններ անելը ժողովրդավարական զարգացումների տեսակետից Հայաստանին հետ կգցեր մինչև Եվրոպայի խորհրդի անդամ դառնալու ժամանակահատվածը»,-շարունակեց Աշոտյանը:
Մանրամասները՝ տեսանյութում:
