09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱՆ-ն և ԱՀԿ Եվրոպական տարածաշրջանային գրասենյակը ստորագրել են 2026–2030 թթ. համագործակցության ռազմավարությունը
27.10.2025 | 21:59
ՀՀ առողջապահության նախարարությունը և ԱՀԿ Եվրոպական տարածաշրջանային գրասենյակը ստորագրել են 2026–2030 թթ. համագործակցության հնգամյա ռազմավարությունը: Այս մասին տեղեկացնում են ՀՀ առողջապահության նախարարությունից։
«Այն համահունչ է ազգային առողջապահական մեր առաջնահերթություններին`
🔰 Ամրապնդել առաջնային առողջապահությունը՝ ապահովագրական համակարգ ներդնելով
🔰 Ապահովել առողջապահական ծառայությունների հավասար հասանելիությունը բոլորի համար
🔰 Խթանել ժողովրդագրական կայունությանը
🔰 Ամրապնդել առողջապահական անվտանգությունը և արտակարգ իրավիճակների պատրաստվածությունը:
Նախարարը ԱՀԿ եվրոպական տարածաշրջանի գրասենյակի ղեկավար Հանս Կլյուգեի հետ քննարկել է առողջապահական ընթացիկ ծրագրերը, մասնավորապես առողջության ապահովագրության ներդրմանն ուղղված քայլերը»,- ասված է հաղորդագրության մեջ:
Հիշեցնենք, որ Անահիտ Ավանեսյանը երկօրյա այցով Կոպենհագենում է` մասնակցելու
Առողջապահության համաշխարհային կազմակերպության եվրոպական տարածաշրջանային կոմիտեի 75-րդ նստաշրջանին։
