19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
ՖԻՖԱ-ն տուգանել է Հայաստանի ֆուտբոլի ֆեդերացիային
08.10.2025 | 11:02
Ֆուտբոլի միջազգային ֆեդերացիան տուգանել է Հայաստանի ֆուտբոլի ֆեդերացիային․ հայտնում է ՖԻՖԱ-ի պաշտոնական կայքը:
ՀՖՖ-ն տուգանվել է աշխարհի առաջնության ընտրական մրցաշարի Հայաստան – Պորտուգալիա հանդիպման ժամանակ տեղի ունեցած խախտումների պատճառով:
ՖԻՖԱ-ն Հայաստանի ֆուտբոլի ֆեդերացիային տուգանել է 12 հազար շվեյցարական ֆրանկով:
Ըստ ՖԻՖԱ-ի Հայաստան-Պորտուգալիա խաղի ընթացքում տեղի են ունեցել թիմային անպատշաճ վարքագիծ, կարգի և անվտանգության խախտումներ, ներխուժում խաղադաշտ կամ ներխուժման փորձ, ճայթուկների կամ այլ հրավառ առարկաների օգտագործում:
Հիշեցնենք, որ Հայաստան-Պորտուգալիա խաղը տեղի է ունեցել 2025 թվականի սեպտեմբերի 6-ին։ Հայաստանի հավաքականն այդ խաղում պարտվել է 0։5 հաշվով։
