27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Վաշինգտոնում Ադրբեջանի և Հայաստանի ստորագրած համատեղ հռչակագիրը թյուրքական ժողովուրդների հաղթանակն է․ Ուզբեկստանի նախագահ
Քաղաքականություն
07.10.2025 | 16:57
Վաշինգտոնում Ադրբեջանի և Հայաստանի կողմից ստորագրված համատեղ հռչակագիրը թյուրքական ժողովուրդների հաղթանակն է։ Այս մասին հայտարարել է Ուզբեկստանի նախագահ Շավքաթ Միրզիյոևը Թյուրքական պետությունների կազմակերպության պետությունների ղեկավարների խորհրդի 12-րդ գագաթնաժողովում, որը տեղի է ունենում Ադրբեջանի Գաբալա քաղաքում։
Նա ընդգծել է, որ այդ հռչակագիրը բացում է համագործակցության հնարավորություններ այնպիսի ոլորտներում, ինչպիսիք են տնտեսությունը և տրանսպորտը։
Ուզբեկստանի ղեկավարը նաև հայտարարել է, որ «ՄԱԿ-ի Անվտանգության խորհուրդն այսօր լուրջ բարեփոխումների կարիք ունի, և զարգացող երկրների ձայները պետք է ավելի բարձր լսվեն այնտեղ»։
«Մենք առաջարկում ենք ամրապնդել մեր տնտեսական և առևտրային կապերը նաև արդյունաբերական ոլորտում։ Մենք առաջարկում ենք ստեղծել թյուրքական պետությունների արդյունաբերական դաշինք։ Ավելին, մենք առաջարկում ենք ստեղծել «Թյուրքական կանաչ միջանցք» անվամբ էլեկտրոնային համակարգ։ Մենք նաև առաջարկում ենք խթանել կանաչ էներգիայի ոլորտում առաջադեմ տեխնոլոգիաները և այս ոլորտում պետական-մասնավոր նախագծերը»,- ասել է նա։
Թարգմանությունը՝ Էմմա Չոբանյանի
