16.11.2024 | 14:15
NYMEX. Թանկարժեք մետաղների գները նվազել են
Աշխատանքային քննարկումներ ԵՄ կողմից տրամադրվող արտոնյալ առևտրային համակարգի (GSP+) ծագման կանոնների իրականացման գործընթացի վերաբերյալ
Տնտեսություն
25.10.2018 | 11:36
ԵՄ «Արտոնությունների ընդհանրացված համակարգի» (GSP+) շրջանակներում հոկտեմբերի 23-ից ՀՀ տնտեսական զարգացման և ներդրումների նախարարությունում տեղի են ունեցել եռօրյա աշխատանքային հանդիպումներ և քննարկումներ՝ ԵՄ կողմից տրամադրվող արտոնյալ առևտրային համակարգի (GSP+) ծագման կանոնների իրականացման գործընթացի վերաբերյալ:
Քննարկումներին մասնակցել են Եվրոպական հանձնաժողովի Հարկային և մաքսային միության գլխավոր տնօրինության (DG TAXUD) համապատասխան ներկայացուցիչները, ՀՀ տնտեսական զարգացման և ներդրումների նախարարի տեղակալի պաշտոնակատար Հակոբ Ավագյանը, նախարարության Լիցենզավորման և թույլտվությունների գործակալության, Եվրամիության և Առևտրի համաշխարհային կազմակերպության վարչության, ինչպես նաև ՀՀ առևտրաարդյունաբերական պալատի աշխատակիցները:
Քննարկվել են ԵՄ արտոնությունների ընդհանրացված համակարգի «GSP+» ներքո ծագման կանոնների գործնական կիրառմանը, ապրանքների ծագման չափանիշներին, ծագման կանոնների հավաստիացմանը և «Գրանցված արտահանողների համակարգում» (REX) արտահանողների գրանցում և վարչական համագործակցություն իրականացնելու գործընթացներին առնչվող հարցեր:
