21.02.2026 | 15:55
Վրաստանը Ադրբեջանից Հայաստան նավթամթերքի տեղափոխման համար խորհրդանշական գին է սահմանել
ԱՄՆ-ում զինված հարձակման հետևանքով երեք մարդ է սպանվել
Քաղաքականություն
28.09.2025 | 16:56
ԱՄՆ Հյուսիսային Կարոլինա նահանգում երեք մարդ է սպանվել, առնվազն ութը՝ վիրավորվել, երբ զինված անձը նավակով մոտեցել է ափամերձ բարերից մեկին և կրակ բացել։
«Արմենպրես»-ի հաղորդմամբ՝ այս մասին հայտնում է CNN-ը՝ վկայակոչելով տեղի պաշտոնյաներին։
Նշվում է, որ Սաութփորթ նավահանգստում գտնվող American Fish Company-ում տեղի ունեցած կրակոցների գործով կասկածյալը կալանավորվել է։
Միջադեպը տեղի է ունեցել սեպտեմբերի 27-ի տեղական ժամանակով ժամը 21:30-ի մոտակայքում։ Այնուհետև զինված անձը փախել է Օուք Այլենդ հարևան համայնք։
Մոտ կես ժամ անց ԱՄՆ ափային պահպանության անձնակազմը նկատել է կասկածյալի նկարագրությանը համապատասխանող մեկին և ձերբակալել նրան։
Դրդապատճառը դեռևս հայտնի չէ։
