16.02.2026 | 22:10
Ով է իրականացրել փոսային նորոգումը․ քրգործի ու 2 մլն 836 հազար դոլարի հետքերով. ՏԵՍԱՆՅՈՒԹ
Ադրբեջանի ԳՇ պետը Մինսկում բանակցություններ է անցկացրել Բելառուսի գործընկերոջ հետ
Քաղաքականություն
22.09.2025 | 19:25
Աշխատանքային այցով Բելառուսում գտնվող Ադրբեջանի պաշտպանության նախարարի առաջին տեղակալ, գլխավոր շտաբի պետ, գեներալ-գնդապետ Քերիմ Վելիևը հանդիպել է այդ երկրի ԶՈՒ գլխավոր շտաբի պետ, պաշտպանության նախարարի առաջին տեղակալ, գեներալ-մայոր Պավել Մուրավեյկոյի հետ:
«Հանդիպման ընթացքում կողմերը քննարկել են երկկողմ ռազմական համագործակցության ներկա վիճակը և նախանշել այն խորացնելու ուղիները փոխադարձ հետաքրքրություն ներկայացնող ոլորտներում»,- նշվում է ադրբեջանական կողմի հաղորդագրությունում։
Ադրբեջանի պաշտպանության նախարարության հայտարարության մեջ նշվում է, որ Քերիմ Վելիևը և Պավել Մուրավեյկոն «անձնական և ընդլայնված հանդիպումների ընթացքում քննարկել են ռազմական համագործակցության հետագա ընդլայնման և զարգացման հեռանկարները, ինչպես նաև տարածաշրջանային անվտանգության հարցերը»։
Վելիևը Մինսկում մասնակցելու է ԱՊՀ զինված ուժերի շտաբների պետերի կոմիտեի հերթական նիստին։
Թարգմանությունը՝ Էմմա Չոբանյանի
