23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Էստոնիան խորհրդակցություններ է սկսում ՆԱՏՕ-ի հետ՝ ռուսական ՄիԳ-31-երի ներխուժումից հետո
Քաղաքականություն
20.09.2025 | 15:27
Էստոնիայի վարչապետ Քրիստյեն Միխալը հայտարարել է, որ իր երկիրը խորհրդակցություններ է սկսում Հյուսիսատլանտյան պայմանագրի՝ ՆԱՏՕ-ի 4-րդ հոդվածի համաձայն՝ այն բանից հետո, երբ երեք ռուսական ՄիԳ-31 կործանիչներ խախտել են Էստոնիայի օդային տարածքը․ գրում է svoboda.org-ն։
Նա հայտարարել է, որ ռուսական ինքնաթիռները մոտավորապես 5 ծովային մղոն խորությամբ թռիչքներ են իրականացրել ՆԱՏՕ-ի տարածքով և խափանվել են Իտալիայի ռազմաօդային ուժերի F-35 կործանիչների կողմից, որոնք տեղակայված են Էմարի ավիաբազայում՝ Բալթյան օդային ոստիկանության առաքելության շրջանակներում։
Էստոնիան միջադեպը որակել է որպես աննախադեպ դիտավորւթյուն։ Արտաքին գործերի նախարար Մարգուս Ցախնան ընդգծել է, որ այս տարի Էստոնիայի օդային տարածքը խախտվել է 4 անգամ, և Տալլինը կփորձի ամրապնդել իր օդային պաշտպանությունը իր դաշնակիցների օգնությամբ։ ՆԱՏՕ-ն հաստատել է ռուսական ինքնաթիռի խափանումը և Մոսկվայի գործողություններն անվանել անխոհեմ։
Մոսկվան հերքել է մեղադրանքները՝ նշելով, որ երեք ՄիԳ-31-երը թռչում էին Բալթիկ ծովի չեզոք ջրերի վրայով՝ Ռուսաստանի հյուսիս-արևմուտքից դեպի Կալինինգրադ։ Ռուսաստանի պաշտպանության նախարարությունը պնդել է, որ այլ պետությունների սահմանները չեն խախտվել, և որ թռիչքը համապատասխանել է միջազգային կանոնակարգերին։
Եվրոպացի քաղաքական գործիչները միջադեպը գնահատել են որպես դիտավորյալ սադրանք։ Եվրամիության արտաքին գործերի նախարար Կայա Կալասը հայտարարել է, որ սա «պատահական չէ», մինչդեռ Լիտվայի պաշտպանության նախարար Դովիլե Սակալինյենեն կոչ է արել անհապաղ տեղակայել լրացուցիչ հակաօդային պաշտպանության միջոցներ ՆԱՏՕ-ի արևելյան թևում։
Ի դեպ, կարծիքներ են ծրջանառվում, որ Ռուսաստանը փորձարկում է ՆԱՏՕ-ի պատրաստվածությունը՝ արձագանքելու անվտանգության սպառնալիքներին։
Հիշեցնենք, որ անցյալ շաբաթ տասնյակ ռուսական անօդաչու թռչող սարքեր խախտել էին Լեհաստանի օդային տարածքը։
Թարգմանությունը՝ Անահիտ Խաչատրյանի
