07.12.2025 | 20:49
Կարծում եմ ճիշտ կլինի, որ կիրակնօրյա պատարագներից առաջ եկեղեցիներում երգչախմբերը կատարեն օրհներգը․ Փաշինյան
ՄԱԿ-ի ԱԽ-ն արտակարգ նիստ կանցկացնի Լեհաստան՝ ռուսական ԱԹՍ-ների ներխուժման հարցով
Քաղաքականություն
11.09.2025 | 15:15
Լեհաստանի դիմումով ՄԱԿ-ի Անվտանգության խորհուրդը արտակարգ նիստ կանցկացնի՝ քննարկելու Ռուսաստանի կողմից լեհական օդային տարածքի խախտումը։ Այս մասին հաղորդում է Reuters-ը՝ հղում անելով Լեհաստանի արտաքին գործերի նախարարությանը, գրում է BBC-ի ռուսական ծառայությունը։
Այս քայլը կատարվել է ի պատասխան գիշերային աննախադեպ գործողության, որի ընթացքում Վարշավան, ՆԱՏՕ-ի դաշնակիցների աջակցությամբ, չորեքշաբթի օրը խոցել էր մի քանի ռուսական անօդաչու թռչող սարքեր, որոնք խախտել էին իր օդային տարածքը։
ՄԱԿ-ի ԱԽ նիստի անցկացման օրը դեռևս հայտնի չէ։ Բացի այդ՝ հաղորդվում է, որ Լեհաստանն օդային երթևեկության սահմանափակումներ է մտցրել Բելառուսի և Ուկրաինայի հետ իր արևելյան սահմանների երկայնքով։
«Լեհաստանի զինված ուժերի օպերատիվ հրամանատարի խնդրանքով, ազգային անվտանգությունն ապահովելու նպատակով, 2025 թվականի սեպտեմբերի 10-ից (22:00 UTC) մինչև 2025 թվականի դեկտեմբերի 9-ը (23:59 UTC) Լեհաստանի արևելյան մասում օդային երթևեկության սահմանափակում է մտցվել», – ասվում է օպերատիվ հրամանատարության հայտարարության մեջ, որը հրապարակվել է X-ի միկրոբլոգում։
Թարգմանությունը՝ Էմմա Չոբանյանի
