16.07.2026 | 16:37
Անկարան դեմ է, որ ՌԴ-Ուկրաինա հակամարտությունը տարածվի Սև ծովում․ Թուրքիայի ԱԳ նախարարը Կիևում է
Ռուսաստանը Մինսկի խմբի լուծարումը «հիմնավորված ու արդարացված» է համարում․ Զախարովա
Քաղաքականություն
04.09.2025 | 12:15
Ռուսական կողմը հիմնավորված է համարում Եվրոպայի անվտանգության և համագործակցության կազմակերպության (ԵԱՀԿ) կողմից Ղարաբաղյան հակամարտության կարգավորման գծով Մինսկի խումբը լուծարելու որոշումը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան Արևելյան տնտեսական ֆորումի շրջանակներում կայացած ճեպազրույցի ժամանակ։
Նա նշել է, որ ՌԴ-ն ԵԱՀԿ մյուս անդամների հետ միասին անմիջական մասնակցություն է ունեցել այս որոշման կայացմանը՝ հիմնվելով կոնսենսուսի կանոնի վրա։
«Մենք այս քայլը համարում ենք հիմնավորված, արդարացված՝ հաշվի առնելով տարածաշրջանում իրավիճակի արմատական փոփոխությունները», – նշել է Զախարովան՝ հավելելով, որ «Մինսկի ինստիտուտների լուծարման նախաձեռնությունը պատկանում է Հայաստանին և Ադրբեջանին»։
«Այս պետությունների արտաքին գործերի նախարարները օգոստոսի 11-ին համապատասխան առաջարկով դիմել էին ԵԱՀԿ-ին՝ հաստատելով, որ Բաքուն և Երևանը այլևս կարիք չունեն Մինսկի գործընթացի գործիքների։ Հիշեցնեմ, որ Մինսկի խմբի աշխատանքի ողջ ընթացքում ռուսական համանախագահությունը առավելագույն ջանքերը գործադրել է Ադրբեջանի և Հայաստանի բարեկամ ժողովուրդների հաշտեցման շահերից ելնելով՝ դրված խնդիրները լուծելու համար»,- հայտարարել է ՌԴ ԱԳՆ պաշտոնական ներկայացուցիչը։
Հիշեցնենք, որ սեպտեմբերի 1-ին ԵԱՀԿ Նախարարական խորհուրդը բոլոր 57 մասնակից պետությունների կոնսենսուսով ընդունել է Մինսկի գործընթացը և դրան կից կառույցների գործունեությունը դադարեցնելու որոշում։
