31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Թուրքիայի և Իրանի նախագահները Հարավային Կովկասում խաղաղության գործընթացն են քննարկել
01.09.2025 | 21:34
Շանհայի համագործակցության կազմակերպության (ՇՀԿ) անդամ պետությունների ղեկավարների խորհրդի 25-րդ գագաթնաժողովի շրջանակում հանդիպել են Թուրքիայի նախագահ Ռեջեփ Թայիփ Էրդողանն ու Իրանի նախագահ Մասուդ Փեզեշքիանը։ Անադոլուի փոխանցմամբ՝ կողմերը քննարկել են Թուրքիայի և Իրանի երկկողմ հարաբերությունները, ինչպես նաև տարածաշրջանային և համաշխարհային զարգացումները։
Հանդիպման ընթացքում Էրդողանը նշել է, որ Թուրքիայի և Իրանի միջև համագործակցությունը բազմաթիվ ոլորտներում, մասնավորապես, էներգետիկայի ոլորտում, ծառայում է փոխադարձ շահերին։ Էրդողանն ասել է, որ օգուտ են տեսնում Իրանի միջուկային բանակցություններում, և որ Թուրքիան շարունակելու է աջակցել Իրանին այս հարցում։
Երկու երկրների ղեկավարները մտքեր են փոխանակել նաև Սիրիայում ստեղծված իրավիճակի, Իսրայելի կողմից Գազայի վրա հարձակումների և Հարավային Կովկասում խաղաղության գործընթացի վերաբերյալ։
Թարգմանությունը՝ Էմմա Չոբանյանի
