06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Սեպտեմբերի 2-ին Երկրի վրա կանխատեսվում են ուժեղ մագնիսական փոթորիկներ
Հասարակություն
31.08.2025 | 13:58
Հիդրոօդերևութաբանության և մոնիթորինգի կենտրոնի տնօրեն Լևոն Ազիզյանը հայտնում է, որ սեպտեմբերի 2-ին Երկրի վրա կանխատեսվում են ուժեղ մագնիսական փոթորիկներ։
«Արեգակի սկավառակը (Ալկոր աստղադիտակ, 33x), 2025թ․ օգոստոսի 31-ին, ժամը 07:20-ին (UT)
Մինչ մասնագետների ուշադրությունը կենտրոնացած էր 4197 բծերի մեծ խմբի վրա, մեկ այլ խումբ՝ 4204-ը, նախորդ օրը՝ ժամը 20:02-ին (UT), արձանագրել է M2.7 բռնկում։
Այս ակտիվ շրջանը ուղղված է մեր մոլորակին։ Ըստ 🇷🇺 Ռուսաստանի ԳԱ տիեզերական հետազոտությունների ինստիտուտի արեգակնային աստղագիտության լաբորատորիայի կանխատեսումների՝ արեգակնային պլազմայի արտանետման ազդեցությունը կզգացվի հաջորդ 48-72 ժամվա ընթացքում։
Գեոմագնիսական ճշգրիտ կանխատեսումը կհրապարակվի այսօր կեսօրին։
Նախնական տվյալներով՝
ամենահուսալի մակարդակը՝ G3 (ուժեղ փոթորիկ) վերջին անգամ դիտվել էր շուրջ 3 ամիս առաջ,
G4 (շատ ուժեղ փոթորիկ) մակարդակի հասնելու հավանականությունը՝ մոտ 20%,
G5 (ծայրահեղ ուժեղ) փոթորիկների հավանականությունը՝ գործնականում բացառված է (<1%)»,-նշել է նա։
