05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
ԵՄ-ն ուզում է՝ Մեղրիով անցնի իր սահմանը․ անխուսափելի է ՀՀ-ի անդամակցելը ԵՄ-ին, ՌԴ-ն և Ադրբեջանը չեն կարող խանգարել․ Անդրիաս Ղուկասյան. ՏԵՍԱՆՅՈՒԹ
Քաղաքականություն
27.08.2025 | 20:00
Հայ կառուցողական կուսակցության նախագահ, քաղաքագետ Անդրիաս Ղուկասյանը Factor TV-ի հետ զրույցում թերահավատություն է հայտնում ռուս-ուկրաինական պատերազմի հավանական ավարտվի վերաբերյալ։ Ըստ նրա՝ ԱՄՆ-ի այս վարչակազմն իրականում դեմ չէ պատերազմի շարունակմանը, որը նշանակում է ռուսական ռազմական ռեսուրսների մաշեցում։
«ՌԴ-ն աղետի կենթարկվի՝ հենց եվրոպական զորքեր մտնեն Ուկրաինա։ Պուտինը չի համաձայնվի Ուկրաինային այդպիսի անվտանգության երաշխիքների տրամադրմանը։ Վտանգները իր դեմ կաճեն, էլ չի կարող հարձակվել Ուկրաինայի դեմ՝ տարիներ անց։ Իրականում ԱՄՆ-ն ուրախ է ՌԴ-ի պայթած տանկերից, Թրամփը մաշում է Պուտինի հարձակման ուժը, կողմ է՝ պատերազմը շարունակվի»,- ասաց Անդրիաս Ղուկասյանը։
Ըստ նրա՝ Պուտին-Զելենսկի երկկողմ հանդիպում, առավել ևս՝ պատերազմի դադարեցման կանոնների շուրջ համաձայնեցում իրատեսական չէ սպասել։ ԱՄՆ-ն և ԵՄ-ն, տեսնելով ռուսական ազդեցության թուլացում Հարավային Կովկասում, փորձում են իրենց դերակատարությունը մեծացնել, կարծում է Ղուկասյանը։
«ԵՄ-ն ուզում է՝ Մեղրիով անցնի իր սահմանը, տարիներ անց անխուսափելի է ՀՀ-ի անդամակցելը ԵՄ-ին, ՌԴ-ն և Ադրբեջանը չեն կարող խանգարել։ Իսկ ԱՄՆ-ն օրակարգից հանեց Ադրբեջանի «Զանգեզուրի միջանցքի» հարցը, և այսօր Թրամփին կարևոր է ՀՀ-Ադրբեջան պատերազմ չլինի»,- նշում է նա։
Հարցազրույցն ամբողջությամբ՝ տեսանյութում։
Ռոբերտ Անանյան
