15.02.2026 | 11:58
Գրիգոր Ներսիսյանն ազատվել է Անձնական տվյալների պաշտպանության գործակալության պետի պաշտոնից
«3+3»-ի հաջորդ հանդիպումը պետք է տեղի ունենա Երևանում կամ Բաքվում․ խորհրդակցություններ ենք նախատեսում․ Վահան Կոստանյան
Քաղաքականություն
14.08.2025 | 18:43
Հայաստանի և Ադրբեջանի միջև վերջին զարգացումները, ինչպես նաև հաղորդակցման ուղիների վերաբացման վերաբերյալ սկզբունքային պայմանավորվածությունը նոր էջ են բացել երկխոսության համար, այդ թվում՝ «3+3» ձևաչափով։ IRNA գործակալությանը տված հարցազրույցում այս մասին ասել է ՀՀ ԱԳ փոխնախարար Վահան Կոստանյանը։
«Վերջին նախարարական հայտարարության համաձայն՝ հաջորդ նիստը պետք է տեղի ունենա Երևանում կամ Բաքվում, մենք նախատեսում ենք երկկողմ խորհրդակցություններ ադրբեջանական կողմի հետ»,- ասել է Կոստանյանը։
Նա հիշեցրել է, որ Հայաստանը մասնակցել է այս ձևաչափին առաջին իսկ նիստից, նախ՝ փոխնախարարների, ապա՝ նախարարների մակարդակով։
«Մենք կարծում ենք, որ այս երկխոսության ձևաչափը կարող է լավ հարթակ լինել տարածաշրջանային նախագծերի, հատկապես՝ փոխկապակցվածության ծրագրերի քննարկման համար»,- հավելել է նա։
