29.04.2026 | 19:43
Հըմի էդ Հակոբիկի մոտ փող-մող ֆռո՞ւմ ա. ընտրակաշառքի գործով «Ուժեղ Հայաստան»-ի անունից գործող 5 անձ ձերբակալվել է. ՀԿԿ
Ռուսական Արզամասի արդյունաբերական գոտու վրա ԱԹՍ-ների հարձակման հետևանքով զոհ կա
Քաղաքականություն
11.08.2025 | 11:35
Արզամասի վրա անօդաչուների հարձակման հետևանքով մեկ մարդ զոհվել է, երկուսը՝ վիրավորվել։ Այս մասին հայտնել է ՌԴ Նիժոգորոդսկի մարզի նահանգապետը, փոխանցում է Current time-ը։
Նրա հաղորդմամբ՝ ուկրաինական անօդաչու թռչող սարքերը հարվածել են մարզի երկու արդյունաբերական գոտիների։
Ուկրաինական Telegram ալիքները Արզամասի գործիքների գործարանի վրա անօդաչու թռչող սարքերի հարվածները հաստատող տեսանյութեր և լուսանկարներ են հրապարակել։
Երկրորդ արդյունաբերական գոտին, որի մասին հայտնել է նահանգապետը, ենթադրաբար, Ձերժինսկ քաղաքի շրջանում է, որտեղ գտնվում են մի քանի ռազմական ձեռնարկություններ։ Ռուսական Shot տելեգրամ ալիքի հաղորդմամբ՝ Ձերժինսկի բնակիչներին հայտնել են տեղական ժամանակով առավոտյան 5-ի սահմաններում մի քանի պայթյունների մասին։
Հաղորդագրություններ կան նաև Ուդմուրտիայում և Ուլյանովսկի մարզում օդային հարձակման մասին, որոնք գտնվում են Նիժնի Նովգորոդից 300-500 կմ հեռավորությամբ։ Ավելի վաղ Ռոսավիացիան հայտարարել էր Նիժնի Նովգորոդի օդանավակայանի փակման մասին։
Ռուսաստանի պաշտպանության նախարարությունը հայտնել է, որ ՀՕՊ ուժերը գիշերը խոցել են 32 ուկրաինական անօդաչու թռչող սարք։
