Բաքվի կողմից 15 տարվա ազատազրկման դատապարտված ադրբեջանցի ակտիվիստը Երևանին խնդրում է հաստատել, որ ինքը կապի չունի ՀՀ-ի հետ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Պետական դավաճանության մեջ մեղադրվող ադրբեջանցի երիտասարդ հետազոտող, խաղաղության ակտիվիստ Բահրուզ Սամեդովը, որին ՀՀ-ի հետ, իբր, կապերի համար (ՀՀ հատուկ ծառայությունների հետ համագործակցության) Բաքվի ծանր հանցագործությունների դատարանը դատապարտել է 15 տարվա ազատազրկման դիմել է Հայաստանին։

Նրա ուղերձը հրապարակել է ադրբեջանցի լրագրող Ջավիդ Աղան X-ի իր միկրոբլոգում։

«Բահրուզ Սամեդովը խնդրել է հրապարակել այս հաղորդագրությունը.
1. Ես բարձր եմ գնահատում ԱՄՆ-ում խաղաղության համաձայնագրի ստորագրումը։
2. Ես խնդրում եմ հայկական պետությանը հայտարարություն տարածել, որով կհաստատվի, որ ես որևէ կապ չունեմ Հայաստանի հետ։
3. Փակ դատարանները թույլ չեն տալիս, որ բաց դատական նիստերը լինեն թափանցիկ»։

Ադրբեջանական լրատվամիջոցները գրում են, որ օգոստոսի 6-ին Բաքվի վերաքննիչ դատարանում տեղի է ունեցել Բահրուզ Սամեդովի գործով նախնական լսումը։

Չնայած նախկինում հայտարարվել էր, որ դատավարությունը կանցկացվի հրապարակային, դատախազը միջնորդություն է ներկայացրել նիստը փակ  անցկացնելու վերաբերյալ, դատավորը բավարարել է այն, հայտնել է հասարակական ակտիվիստ Ամրահ Թահմազովը։ Նրա խոսքով՝ դատավորի կողմից դատավարությունը փակ նիստով անցկացնելու որոշումից հետո Բահրուզ Սամեդովի տատիկին՝ նրա միակ ազգական Զիբեյդա Օսմանովային, ընկերներին և հասարակական ակտիվիստներին թույլ չեն տվել մտնել դատարանի դահլիճ։

Ավելի ուշ դատախազը պնդել է, որ ծանոթ չէ մեղադրանքներին, ուստի նիստը հետաձգվել է։

Մեղադրողը միջնորդություն է ներկայացրել հաջորդ նիստը փակ անցկացնելու վերաբերյալ, դատավորը բավարարել է այս միջնորդությունը նույնպես։

Հաջորդ դատական լսումը նշանակվել է օգոստոսի 13-ին։

Ավելի վաղ էլ Սամեդովը բանտից դիմել էր ՀՀ վարչապետ Նիկոլ Փաշինյանին՝ խնդրելով հրապարակել պաշտոնական և հիմնավորված հայտարարություն, որ ինքը երբևէ որևէ համագործակցություն չի ունեցել Հայաստանի արտաքին հետախուզական ծառայությունների հետ։
Թարգմանությունը՝ Էմմա Չոբանյանի