31.07.2026 | 12:34
Ի՞նչ անենք, իր նման մարդ բռնել տա՞նք. Նարեկ Կարապետյանը` Փաշինյանի մեղադրանքների մասին․ ՏԵՍԱՆՅՈՒԹ
Ռեստորանի, հյուրանոցի տերերի եկամուտն ինձ հետաքրքիր է․ Պապոյանը՝ Լոպեսի համերգից շահույթի մասին. ՏԵՍԱՆՅՈՒԹ
Տեսանյութեր
07.08.2025 | 13:55
«ՀՀ տնտեսության համար օգտակար և լավ միջոցառում էր»,- այս մասին Կառավարության նիստից հետո լրագրողների հետ զրույցում ասաց Էկոնոմիկայի նախարար Գևորգ Պապոյանը՝ անդրադառնալով համաշխարհային աստղ Ջենիֆեր Լոպեսի երևանյան համերգին։
«Եթե եկել է ՌԴ-ից զբոսաշրջիկ և գնել է 470 դոլարանոց տոմս (ես գիտեմ, որ հատկապես թանկ տոմսերը զբոսաշրջիկներն են գնել), ի՞նչ եք կարծում՝ 470 դոլարանոց տոմս գնած զբոսաշրջիկը հյուրանոցի ի՞նչ համարում է մնում՝ 50 դոլարանո՞ց, թե՞ 300 դոլարանոց: Ակնհայտ է, չէ՞: Կամ ռեստորան գնո՞ւմ է, թե՞ չէ… Ես հաշվում եմ տնտեսություն մտած փողը, ոչ թե՝ պետական բյուջե, քանի որ ռեստորանատիրոջ եկամուտն ինձ հետաքրքիր է, որովհետև տնտեսության եկամուտ է, սրճարանի տիրոջ եկամուտն ինձ հետաքրքիր է, որովհետև դա մեր տնտեսության եկամուտն է, հյուրանոցը, օդանավակայանը և այսպես շարունակ»,- նշեց Պապոյանը։
Ընդգծենք, որ ըստ ԿԳՄՍ նախարարության հրապարակած տվյալների՝ Ջենիֆեր Լոպեսի համերգին մասնակցել է ավելի քան 30 հազար հանդիսական, որից 15 հազարը ժամանել է արտերկրից։ Էկոնոմիկայի նախարար Գևորգ Պապոյանն էլ ֆեյսբուքյան գրառմամբ պնդել էր, որ ծախսված 6 մլն դոլարի դիմաց ՀՀ-ն ստացել է ավելի քան 13,3 մլն դոլարի եկամուտ։ Պապոյանն նշել է, որ այս թիվը ստացել է հաշվարկային մոդելով՝ հիմնված զբոսաշրջային ծախսերի միջին գնահատականի վրա։
Մանրամասները՝ տեսանյութում։
Արփի Հակոբյան
