06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Քարվաճառում ականի վրա Ադրբեջանի բանակի «Ուրալ» է պայթել. զինծառայողներ են վիրավորվել
06.08.2025 | 11:56
Քարավաճառում ականի վրա Ադրբեջանի բանակի ռազմական բեռնատար է պայթել, հայտնում են ադրբեջանական լրատվամիջոցները՝ վկայակոչելով երկրի ՊՆ-ին։
Օգոստոսի 5-ին ժամը 19:05-ի սահմաններում տեղի ունեցած պայթյունի հետևանքով ադրբեջանական բանակի 4 զինծառայող վիրավորվել է և տեղափոխվել մոտակա բժշկական հաստատություն։
Ադրբեջանի գլխավոր դատախազությունը հայտնել է, որ ականի պայթյունի հետևանքով ադրբեջանական բանակի հինգ զինծառայողներ ստացել են տարբեր ծանրության վնասվածքներ։ Դեպքի առթիվ հետաքննություն է ընթանում։
Նախքան Ադրբեջանի ՊՆ-ի հայտարարությունը՝ տեղական լրատվամիջոցները հայտնել էին, որ հակատանկային ականի վրա Դադիվանք գյուղում բանակին պատկանող «Ուրալ» մակնիշի մեքենա է պայթել։ Վթարի հետևանքով վիրավորվել են մեքենայում գտնվող 29-ամյա Ն.Նուրուևը և Մ. Գարաևը, 42-ամյա Ռ.Իսմայիլովը և 38-ամյա Է.Ախմեդովը: Հետագայում հաղորդվել է, որ վիրավոր զինծառայողների թիվը հասել է հինգի։
Թարգմանությունը՝ Էմմա Չոբանյանի
