06.11.2026 | 12:52
Շիրակում մոտ 12 տարեկան երեխայի նկատմամբ սեքսուալ բռնություն գործադրած անձը դատապարտվել է 10 տարվա ազատազրկման
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
06.10.2026 | 00:38
Ֆուտբոլի Ազգերի լիգայի խմբային փուլի չորրորդ տուրում Հայաստանի ազգային հավաքականը 0:0 հաշվով ավարտեց Չեռնոգորիայի հավաքականի դեմ արտագնա հանդիպումը և կորցրեց խմբում առաջին տեղը գրավելու շանսերը:
Պոդգորիցայում կայացած խաղն անցավ հավասար պայքարում՝ առանց իրական գոլային պահերի: 86-րդ րոպեին դաշտի տերերը 10 խաղացողով մնացին ռուսական «Ակրոնի» կիսապաշտպան Ստեֆան Լոնչարի հեռացման պատճառով:
C Լիգայի երկրորդ խմբի մյուս խաղում Կիպրոսի հավաքականը 2:1 հաշվով տնային հաղթանակ տարավ Լատվիայի նկատմամբ:
Չորրորդ տուրից հետո խմբի առաջատար Չեռնոգորիան ունի 10 միավոր, Կիպրոսը՝ 7, Հայաստանը` 4, իսկ Լատվիան` 1:
Եղիշե Մելիքյանի գլխավորած թիմը հաջորդ հանդիպումը կանցկացնի նոյեմբերի 12-ին՝ ընդունելով Կիպրոսի հավաքականին։ Երեք օր անց էլ կկայանա Ազգերի լիգայի խմբային փուլի վերջին խաղը Լատվիայի հավաքականի դեմ:
Ազգերի լիգա, C լիգա, չորրորդ տուր
Երկրորդ խումբ
Չեռնոգորիա – Հայաստան՝ 0:0
Հեռացում՝ Ստեֆան Լոնչար, 86 (Չեռնոգորիա)
Դավիթ Եղիազարյան
