07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Թրամփը ծրագրում է վերակառուցել Սպիտակ տունը․ դրա համար 200 մլն դոլար կծախսվի
Քաղաքականություն
01.08.2025 | 18:42
ԱՄՆ նախագահ Դոնալդ Թրամփը Սպիտակ տանը վերակառուցում է ծրագրում։ Այն 100 միլիոն դոլար կարժենա։ Նա իր ծրագրերը ներկայացրել է NBC News-ին տված հարցազրույցում:
Նախագահի պաշտոնում հանրապետական գործչի թողած ամենատեսանելի և, հնարավոր է, երկարատև ժառանգություններից մեկը կարող է լինել 90,000 քառակուսի ոտնաչափ մակերեսով պարահանդեսային սրահը, որը նա ծրագրում է կառուցել՝ փոխարինելով արևելյան թևի շենքը, որն ավանդաբար օգտագործվել է առաջին տիկնոջ կողմից որպես գրասենյակներ:
Սեպտեմբերին մեկնարկող նախագիծը խոստանում է լինել Սպիտակ տան համալիրի ամենամեծ վերափոխումը Հարրի Թրումանի ժամանակներից ի վեր:
Նշվում է, որ նախագծում ներգրավված են աշխարհի լավագույն ճարտարապետներից մի քանիսը: Թրամփին արդեն ներկայացրել են պարահանդեսային դահլիճի էսքիզները: Ակնկալվում է, որ աշխատանքները կավարտվեն մինչև Դոնալդ Թրամփի նախագահական ժամկետի ավարտը:
Թրամփի հաշվարկներով՝ Սպիտակ տան արևելյան թևի քանդումն ու պարահանդեսային դահլիճի կառուցումը կարժենա մոտ 200 միլիոն դոլար: Նա ասել է, որ նախագիծը կլինի «իր նվերը երկրին» և կֆինանսավորվի իր սեփական միջոցների և մասնավոր նվիրատվությունների հաշվին:
