08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ադրբեջանցի բռնցքամարտիկի մարզիչը հարձակվել է հյուսիսմակեդոնացի մրցավարի վրա
Քաղաքականություն
29.07.2025 | 14:38
Սերբական Զլատիբորում ընթացող բռնցքամարտի Եվրոպայի պատանեկան առաջնությունում սկանդալային միջադեպ է տեղի ունեցել։ Հյուսիսային Մակեդոնիայից մրցավար Ստեֆան Ցուբալևսկին ֆիզիկական հարձակման է ենթարկվել ադրբեջանցի բռնցքամարտիկի մարզչի կողմից։
75 կիլոգրամ քաշային կարգի եզրափակիչ մենամարտի ժամանակ, որը տեղի է ունեցել Ադրբեջանից Յուսիֆ Աղակիշիևի և Սերբիայից Վիկտոր Մայստորովիչի միջև, ադրբեջանցի բռնցքամարտիկի մարզիչը մտել է ռինգ, բռնել մրցավարի պարանոցից և սկսել խեղդել նրան։ Թիմի անդամները անմիջապես վազել են ռինգ և դժվարությամբ բաժանել մարզչին և մրցավարին։
Միջադեպը տեղի է ունեցել այն բանից հետո, երբ Ցուբալևսկին հրապարակավ զգուշացրել է ադրբեջանցի մարզիկին կրկնակի խախտման համար: Մարզչին դա դուր չի եկել: Միջադեպից հետո մենամարտը դադարեցվել է, ադրբեջանցի բռնցքամարտիկը և նրա մարզիչը որակազրկվել են։ Ոսկե մեդալը բաժին է հասել սերբ մարզիկին։
Թարգմանությունը՝ Էմմա Չոբանյանի
