23.05.2026 | 12:34
Մարմարիկի ճանապարհին «Mercedes-Benz»-ը մոտ 15 մ գլորվել է ձորակը և բռնկվել․ 3 տուժած հոսպիտալացվել է
«Զանգեզուրի միջանցքի» բացումը մեծ նշանակություն ունի տարածաշրջանի համար․ Ադրբեջանում Թուրքիայի դեսպան
Քաղաքականություն
24.07.2025 | 13:58
Ադրբեջանում Թուրքիայի դեսպան Բիրոլ Աքգյունը Նախիջևանի այցի ընթացքում լրագրողների հետ զրույցում խոսել է, այսպես կոչված, «Զանգեզուրի միջանցքի» մասին։
«Երկրորդ ղարաբաղյան պատերազմից հետո սկսված նոր շրջանում «Զանգեզուրի միջանցքի» բացումը մեծ նշանակություն ունի տարածաշրջանի համար։ Մենք ցանկանում ենք, որ այս միջանցքը լինի միացնող կամուրջ, որը կապահովի խաղաղություն և համագործակցություն տարածաշրջանում՝ ծառայելով Միջին միջանցքի ամրապնդմանը»,- ադրբեջանական լրատվամիջոցների փոխանցմամբ՝ ասել է դեսպանը։
Նա նաև նշել է, որ սա իր առաջին այցն է Նախիջևան և հատուկ նշանակություն ունի Թուրքիայի համար։
«Նախիջևանը մեզ համար հատուկ նշանակություն ունեցող հող է։ Այն մեծ առաջնորդ Հեյդար Ալիևի ծննդավայրն է։ Միևնույն ժամանակ, դա միակ շրջանն է, որը մեծ առաջնորդ Մուստաֆա Քեմալ Աթաթուրքն անվանել է դարպաս դեպի Թուրքիա, միակ վայրը, որտեղ Թուրքիան ցամաքային սահման ունի Ադրբեջանի հետ։ Հենց այդ պատճառով այն պատմության մեջ է մտել որպես «Հույսի կամրջի» բացման վայր»,- հայտարարել է Աքգյունը՝ հավելելով, թե «Թուրքիան և Նախիջևանը միշտ էլ ունեցել են սերտ բարեկամական և եղբայրական հարաբերություններ։ Ցամաքային սահմանի առկայությունն էլ ավելի է ամրապնդում այդ կապերը»։
Թարգմանությունը՝ Էմմա Չոբանյանի
