29.04.2026 | 12:05
Հայաստանում շուտով կբացվի «Յուվենտուս»-ի ակադեմիան․ ղեկավարները ներկայացնում են ծրագիրը․ ՈՒՂԻՂ
Առջևում կարևորագույն առաքելություն ունենք՝ հանուն ՀՀ-ի և նրա Քաղաքացու. Ռոմանոս Պետրոսյանը՝ պաշտոնից ազատվելուց հետո
Քաղաքականություն
17.07.2025 | 23:13
ՊՎԾ նախկին ղեկավար Ռոմանոս Պետրոսյանը պաշտոնից ազատվելուց հետո գրառում է կատարել՝ նշելով, որ առջևում կարևորագույն առաքելություն ունեն։
«Այսօր ՀՀ Վարչապետ Նիկոլ Փաշինյանի որոշմամբ ազատվել եմ Պետական վերահսկողական ծառայության ղեկավարի պաշտոնից, որն զբաղեցնում էի ավելի քան երեքուկես տարի՝ սկսած 2021թ. դեկտեմբեր ամսից։
Շնորհակալ եմ Վարչապետին՝ նման բարձր վստահության եւ ընձեռած հնարավորության համար՝ ծառայելու մեր Պետությանն ու Պետականության կայացմանը։
Շնորհակալ եմ նաեւ ՊՎԾ ողջ աշխատակազմին՝ այս տարիների արդյունավետ համագործակցության եւ լիարժեք փոխգործակցության համար։
Վստահեցնում եմ՝ այդ պատասխանատու կարգավիճակում բոլոր որոշումներիս եւ գործողություններիս հիմքում դրվել է բացառապես պետական եւ հանրային շահը։
Առջեւում կարեւորագույն առաքելություն ունենք՝ հանուն Հայաստանի Հանրապետության եւ նրա Քաղաքացու։
Կեցցե՛ Հայաստանի Հանրապետությունը»,- ասված է գրառման մեջ։
Արդեն հայտնել ենք, որ Ռոմանոս Պետրոսյանն ազատվել է Պետական վերահսկողական ծառայության ղեկավարի պաշտոնից։ Տևական ժամանակ է՝ մամուլում տեղեկություններ են շրջանառվում, թե նա նշանակվելու է «Հայաստանի էլեկտրական ցանցեր» ՓԲԸ-ում պետական կառավարիչ։ Փորձեցինք այդ տեղեկությունը ճշտել Պետրոսյանից, սակայն նա հեռախոսազանգերին չպատասխանեց։
