06.10.2026 | 11:27
Ռուսական զորքերը հարվածել են Զապորոժիեում Դնեպր գետի վրայով անցնող կամուրջներից մեկին․ 5 մարդ տուժել է
Դատարկ քաղաքական վերջնագիր․ Վրաստանի վարչապետն արձագանքել է ԵՄ-ի նամակին
Քաղաքականություն
17.07.2025 | 17:19
Բրյուսելը չպետք է նմանվի խորհրդային Մոսկվային, մեզ անհրաժեշտ են փաստարկներ յուրաքանչյուր հարցի շուրջ։ Այս մասին հայտարարել է Վրաստանի վարչապետ Իրակլի Կոբախիձեն՝ մեկնաբանելով Բրյուսելից ուղարկված նամակը, փոխանցում է վրացական Առաջին ալիքը։
Նա նշել է, որ ընտանեկան արժեքներին, անչափահասների պաշտպանությանը և թափանցիկությանը վերաբերող օրենքները չափազանց կարևոր են Վրաստանի համար։
«Մենք շատ հստակ պատասխան ունենք Բրյուսելի կողմից ուղարկված յուրաքանչյուր կետի վերաբերյալ։ Ինչ վերաբերում է բանտարկյալներին, մենք ունենք հստակ պատասխան՝ նրանցից յուրաքանչյուրը կատարել է կոնկրետ հանցագործություն։ Թող ըստ էության խոսակցություն սկսեն։ Թող ներկայացնեն իրավական փաստարկներ, եթե այդ գործերի վերաբերյալ իրավական հարցեր ունեն։ Իհարկե, նման հարցեր չկան։ Հետևաբար, մենք գործ ունենք դատարկ քաղաքական վերջնագրերի հետ, որը շատ տխուր է»,- հայտարարել է Վրաստանի վարչապետը։
Հիշեցնենք, որ Բրյուսելից Վրաստանի արտաքին գործերի նախարար Մակա Բոճորիշվիլիին նամակ էր ուղարկվել։ Այն պարունակում է ութ առաջարկ, որոնք Թբիլիսին պետք է կատարի՝ ԵՄ-ի հետ առանց վիզայի ռեժիմը պահպանելու համար։
Թարգմանությունը՝ Էմմա Չոբանյանի
