Թուրքմենստանի նախկին նախագահ, Խալք Մասլահաթիի (Ժողովրդական խորհրդի) նախագահ Գուրբանգուլի Բերդիմուհամեդովն Արցախում է։ Վարանդայի օդանավակայանում նրան դիմավորել է Ադրբեջանի նախագահ Իլհամ Ալիևը։
Ադրբեջանական լրատվամիջոցների հաղորդմամբ՝ Բերդիմուհամեդովին «տեղեկություններ են տրամադրվել Ֆիզուլիի, Զանգիլանի և Լաչինի միջազգային օդանավակայանների մասին»։ Իլհամ Ալիևն ու Գուրբանգուլի Բերդիմուհամեդովը լուսանկարվել են Քարին տակ գյուղի ֆոնին։
Այնուհետև նրանք հայաթափված Շուշի են այցելել։
Ալիևն ու Բերդիմուհամեդովը հայկական քաղաքում ծանոթացել են Շուշիի նոր մզկիթի շինարարական աշխատանքների ընթացքին, այցելել ստեղծագործական կենտրոնում բացված «Հեյդար Ալիևը և Ղարաբաղը» ցուցահանդեսը։
Թարգմանությունը՝ Էմմա Չոբանյանի
