16.07.2026 | 19:52
Ադրբեջանը, Թուրքիան և Վրաստանը համատեղ զորավարժություններ կանցկացնեն
Ռադան երկարաձգել է Ուկրաինայում ռազմական դրության ու զորահավաքի ժամկետը
Քաղաքականություն
15.07.2025 | 17:55
Ուկրաինայի Գերագույն ռադան երկրում ռազմական դրությունն ու զորահավաքը երկարաձգել է երեք ամսով՝ մինչև 2025 թվականի նոյեմբերի 5-ը։ Այս մասին տելեգրամի իր ալիքում հայտնել է պատգամավոր Յարոսլավ Ժելեզնյակը։
Ռազմական դրության երկարաձգման օգտին քվեարկել է 320 պատգամավոր, դեմ՝ 1-ը՝ «Եվրոպական համերաշխություն» կուսակցությունից Ալեքսեյ Գոնչարենկոն, քվեարկությանը չի մասնակցել 16 պատգամավոր։
Զորահավաքի ժամկետի երկարաձգման օգտին քվեարկել է 304 պատգամավոր, դեմ է եղել Ալեքսեյ Գոնչարենկոն, իսկ ձեռնպահ՝ «Ժողովրդի ծառա» խմբակցությունից Գեորգի Մազուրաշուն։
Ռազմական դրությունն ու զորահավաքն Ուկրաինայում երկարաձգվում են 16-րդ անգամ։ Դրանք առաջին անգամ սահմանվել են 2022 թվականի փետրվարին՝ Ուկրաինա ռուսական զորքերի լայնածավալ ներխուժման սկսվելուց հետո։
Ուկրաինայում ռազմական դրության ժամանակահատվածում, ի թիվս այլ բաների, չեն կարող ընտրություններ անցկացվել: Ուկրաինայում չեն անցկացվել 2023 թվականի հոկտեմբերին նախատեսված Ռադայի պատգամավորների ընտրությունները և նախագահական ընտրություններ, որոնք խաղաղ պայմաններում պետք է կանցկացվեին 2024 թվականի մարտին։
Թարգմանությունը՝ Էմմա Չոբանյանի
