08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բաքվի դատարանում Արցախի ղեկավարների շինծու գործերով նիստում մի շարք «տուժողներ» են ցուցմունք տվել
Քաղաքականություն
11.07.2025 | 10:10
Բաքվի զինվորական դատարանում Արցախի ղեկավարների և այլ պաշտոնյաների՝ ընդհանուր 15 անձի նկատմամբ հարուցված շինծու գործերով հերթական դատական նիստն է տեղի ունեցել։ Ադրբեջանական լրատվամիջոցները հաղորդում են, որ Զեյնալ Աղաևը դատավարությանը առաջին անգամ մասնակցող «տուժողներին» բացատրել է օրենքով սահմանված իրենց իրավունքներն ու պարտականությունները։
Նիստի ընթացքում «տուժող» Վուգար Էմինովը պատմել է, թե 1994 թվականին վիրավոր վիճակում գերի է ընկել Գյուլուջա գյուղում։ Նա ասել է, թե սկզբում իրեն տարել են Ստեփանակերտ, ապա՝ Շուշի և պահել բանտում։ Գերության ընթացքում նա, իբր, «դաժան տանջանքների է ենթարկվել, ամեն օր ծեծել են ռետինե մահակով և ամրանով, նաև տանջել էլեկտրաշոկերով»։
Պետական մեղադրող Վյուսալ Աբդուլլաևի հարցին ի պատասխան՝ նա ասել է, թե իր հետ պահվող որոշ գերիներ, իբր, մահացել են «խոշտանգումների հետևանքով»: Նա գերությունից ազատ է արձակվել 1995 թվականին:
Ցուցմունք են տվել մի շարք այլ «տուժողներ» ևս։ Նրանք նաև պատասխանել են հայ գերիների, նրանց պաշտպանների և իրենց ներկայացուցիչների հարցերին։
Հաջորդ դատական նիստը տեղի կունենա հուլիսի 11-ին։
Թարգմանությունը՝ Էմմա Չոբանյանի
