16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Գալուզինը Գուրգեն Արսենյանին է փոխանցել ՀՀ-ում ՌԴ-ի շուրջ կառուցողական տեղեկատվական ֆոն պահպանելու անհրաժեշտության վերաբերյալ դիրքորոշումը
Քաղաքականություն
07.07.2025 | 19:49
ՌԴ արտաքին գործերի փոխնախարար Միխայիլ Գալուզինը Մոսկվայում ՀՀ դեսպան Գուրգեն Արսենյանին փոխանցել է Ռուսաստանի շուրջ կառուցողական տեղեկատվական ֆոն պահպանելու անհրաժեշտության վերաբերյալ դիրքորոշումը: Այս մասին ասվում է ՌԴ ԱԳ նախարարության հայտարարության մեջ, գրում է ՏԱՍՍ-ը։
«Քննարկվել են երկկողմ և տարածաշրջանային օրակարգի մի շարք հարցեր։ Ստուգվել է ռուս-հայկական առաջիկա շփումների ժամանակացույցը։ Զրույցի ընթացքում դիվանագիտական առաքելության ղեկավարին հասցվել է Հայաստանում Ռուսաստանի և երկկողմ հարաբերությունների շուրջ կառուցողական տեղեկատվական ֆոն պահպանելու անհրաժեշտության մասին դիրքորոշումը»,- ասվում է հայտարարության մեջ։
Նշվում է, որ «այդ համատեքստում հաստատվել է ռուսական առաջարկը՝ Ռուսաստանի և Հայաստանի պրոֆիլային գերատեսչությունների միջև խորհրդակցությունների ևս մեկ փուլ անցկացնելու վերաբերյալ»։
Ավելի վաղ հաղորդվել էր, որ ՀՀ դեսպան Գուրգեն Արսենյանը ժամանել է ՌԴ ԱԳՆ։
Թարգմանությունը՝ Էմմա Չոբանյանի
