24.06.2026 | 11:49
ԵՄ աջակցությամբ կմշակվեն Ախուրիկ-Կայան և Մարգարա-Կայան ճանապարհային նախագծերը․ հուշագիր է ստորագրվել
ՌԴ-ն հարվածներ է հասցրել Խարկովի և Զապորոժիեի զինկոմիսարիատներին․ վիրավորներ կան
Քաղաքականություն
07.07.2025 | 18:41
Խարկովի վրա ռուսական անօդաչու սարքերի կողմից առավոտյան երկու հարվածների հետևանքով վիրավորվել է 69 մարդ, գրում է BBC-ի ռուսական ծառայությունը։
Տեղական ժամանակով ժամը 10:00-ից հետո երկրորդ անօդաչու թռչող սարքի հարձակման տուժածների թիվը հասել է 33-ի, նրանց թվում երեք երեխա կա, հայտնել է տարածաշրջանային ռազմական վարչակազմի ղեկավար Օլեգ Սինեգուբովը: Հարված է հասցվել նաև բնակելի շենքի:
Ուկրաինայի զինված ուժերի ցամաքային զորքերը հայտնել են, որ անօդաչու թռչող սարքերը հարձակվել են նաև տարածաշրջանային զորակոչի և սոցիալական աջակցության կենտրոնի (զինկոմիսարիատ) շենքի վրա։ Նշվում է, որ հարձակման հետևանքով երեք զինծառայող է վիրավորվել։
Զապորոժիեում էլ զինկոմի շենքի վրա ԱԹՍ-ների հարձակման հետևանքով անվտանգության ծառայության երկու աշխատակից է վիրավորվել։
Մարզային ռազմական վարչակազմի ղեկավար Իվան Ֆյոդորովի խոսքով՝ Զապորոժիեում առավոտյան հարձակման հետևանքով վիրավորվել է, ընդհանուր առմամբ, 17 մարդ։
Թարգմանությունը՝ Էմմա Չոբանյանի
