31.05.2026 | 20:00
չԾխելու ՇԵՐՏԵՐԸ. ինչպես է շրջանցվում արդեն 6 տարի գործող օրենքը․ ՏԵՍԱՆՅՈւԹ
ՔՊ-ի սիրելի օլիգարխը Դրախտիկում առանձնատուն է կառուցել, ի՞նչ եք անում․ Թովմասյանը՝ դատախազին. ՏԵՍԱՆՅՈՒԹ
Քաղաքականություն
04.07.2025 | 13:21
«Գեղարքունիքի մարզի Դրախտիկ գյուղ վարչական շրջանի «Սևան ազգային պարկի» կողմից պահպանվող ափամերձ տարածքում 2019 թվականին կառուցվել է առանձնատուն, «Կապավոր» ՍՊԸ-ի տնօրնների խորհրդի նախագահ Արման Հակոբջանյանի կողմից։ Արման Հակոբջանյանի լուսանկարը վերջին անգամ տեսել ենք «Քաղաքացիական պայմանագիր» կուսակցության շենքում 2021 թվականի ընտրությունների օրը»,- այս մասին ԱԺ արտահերթ նիստում ասաց պատգամավոր Թագուհի Թովմասյանը՝ դիմելով Գլխավոր դատախազ Աննա Վարդապետանին։
«Բա ՔՊ սիրելի գործարարի այս առանձնատան հետ կապված ի՞նչ է արվում, սա՞ ով պետք է քանդի։ Այդ ժամանակ բնապահպանության նախարարը Էրիկ Գրիգորյանն էր, մարզպետը՝ Գնել Սանոսյանը, ամբողջական պատասխանատվությունը կրում է «Քաղաքացիական պայմանագիրը»,- հայտարարեց Թովմասյանը։
Աննա Վարդապետյանը նշեց, որ ոչ միայն այդ առանձնատունը, նաև մեկ այլ նյութի հիման վրա՝ մեկ այլ պաշտոնատար անձի կողմից նույն Դրախտիկ գյուղում, հողամասի ինքնակամ զավթման վերաբերյալ փաստեր են ներկայացվել։
Հիշեցնենք, որ ԱԺ-ն արտահերթ նիստում քննարկում է ՀՀ գլխավոր դատախազ Աննա Վարդապետյանի միջնորդագրերը, որոնք վերաբերում են «Հայաստան» խմբակցության ղեկավար Սեյրան Օհանյանին և խմբակցության քարտուղար Արծվիկ Մինասյանին անձեռնամխելիությունից զրկելուն ու քրեական հետապնդում սկսելուն, ինչպես նաև՝ պատգամավոր Արթուր Սարգսյանի նկատմամբ քրեական հետապնդում հարուցելուն և ազատությունից զրկելուն։
Մանրամասները՝ տեսանյութում։
Մանյա Պողոսյան
