06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Թուրքիայի նախագահն ու Պակիստանի վարչապետը Ստեփանակերտ կայցելեն
Քաղաքականություն
30.06.2025 | 21:53
Թուրքիայի նախագահ Ռեջեփ Թայիփ Էրդողանը կայցելի գրացյալ Արցախ։ Ադրբեջանական լրատվամիջոցների հաղորդմամբ՝ որ այցը նախատեսված է հուլիսի 4-ին։ Թուրքիայի նախագահի ինքնաթիռը վայրէջք կկատարի Վարանդայի օդանավակայանում։
Հաղորդվում է, որ Էրդողանը մասնակցելու է Տնտեսական համագործակցության կազմակերպության (ՏՀԿ) անդամ երկրների 17-րդ գագաթնաժողովին, որը նախատեսված է անցկացնել հայաթափված Ստեփանակերտում հուլիսի 3-4-ին։ Համաժողովին կմասնակցի նաև Պակիստանի վարչապետ Շահբազ Շարիֆը։
«Այս այցը մեծ դիվանագիտական և տնտեսական նշանակություն ունի, քանի որ ուղղված է տարածաշրջանային համագործակցության և ՏՀԿ անդամ երկրների հետ երկկողմ կապերի ամրապնդմանը»,- նշում են լրատվամիջոցները։
Հաղորդվում է, որ այցի արդյունքներով նախատեսվում է ստորագրել մի շարք փոխադարձ համագործակցության համաձայնագրեր և փոխըմբռնման հուշագրեր։
Հիշեցնենք, որ Էրդողանն ու Շարիֆը մայիսի վերջին այցելել էին Բերձոր։
Հիշեցնենք, որ ավելի վաղ Իրանի նախագահ Մասուդ Փեզեշքիանի հետ հեռախոսազրույցում Ադրբեջանի նախագահը նրան նույնպես հրավիրել էր մասնակցել Տնտեսական համագործակցության կազմակերպության (ՏՀԿ) գագաթնաժողովին։
Թարգմանությունը՝ Էմմա Չոբանյանի
