09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Սերբիայում հեղաշրջման նախապատրաստման կասկածանքով վեց մարդ է ձերբակալվել
Քաղաքականություն
26.06.2025 | 00:03
Սերբիայի ներքին գործերի նախարարությունը հայտնել է երկրում «բռնի իշխանափոխություն» ծրագրելու կասկածանքով վեց մարդու ձերբակալության մասին:
Այս մասին հայտնում է «Ազատություն» ռադիոկայանի բալկանյան ծառայությունը։
Սերբիայի ՆԳՆ-ի տվյալներով՝ վեց կասկածյալներ հունիսի 21-ին հանդիպել են՝ Սերբիայի Հանրապետությունում կառավարության բռնի փոփոխություն պլանավորելու նպատակով։
Ի թիվս այլ բաների, նրանք ծրագրել էին հարձակումներ պետական մարմինների ներկայացուցիչների, ոստիկանության աշխատակիցների վրա, բռնի ներխուժում Սերբիայի կառավարության շենք և այլ հաստատություններ։
Սերբիայի ներքին գործերի նախարարությունը նաև հայտարարում է, որ ձերբակալվածները ծրագրել են հարձակվել մի քանի իշխանամետ լրատվամիջոցների վրա:
«Ազատություն» ռադիոկայանի տվյալներով՝ ձերբակալվածներից մեկը Նովիցա Անտիչն է՝ Սերբիայի ռազմական միության նախկին նախագահը, որին արևմտյան հատուկ ծառայությունները համարում են ռուսական գործակալ:
