17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
ՌԴ-ն ԱԹՍ-ներով գրոհել է ուկրաինական Սումի մարզը․ կան զոհեր, այդ թվում՝ երեխա
Քաղաքականություն
24.06.2025 | 13:21
Ռուսական զորքերը հունիսի 24-ի գիշերը անօդաչու թռչող սարքերով հարվածներ են հասցրել Ուկրաինայի Սումիի մարզին։ Տեղական իշխանությունները հայտնել են 3 զոհի մասին, նրանցից մեկն ութամյա երեխա է, փոխանցում է Current time-ը։ Երեխայի մարմինը դուրս է բերվել ավերված տան փլատակներից։
Ուկրաինայի արտակարգ իրավիճակների պետական ծառայությունը նշել է, որ ռուսական բանակը մի շարք հարվածներ է հասցրել Վերխնեսիրովատսկայա համայնքի բնակավայրերից մեկին։
«Հարվածը խլել է տարբեր ընտանիքներից մարդկանց կյանքեր։ Նրանք բոլորը ապրում էին նույն փողոցում։ Նրանք պառկել էին քնելու իրենց տներում։ Բայց ռուսական անօդաչու թռչող սարքերը ընդմիշտ ընդհատել են նրանց քունը»,- գրել է մարզային ռազմական վարչակազմի ղեկավար Օլեգ Գրիգորովը։
Հաղորդվում է, որ երեք մարդ փլատակներից դուրս է բերվել և հոսպիտալացվել։ Նրանցից մեկը ծանր վիճակում է։
«Ցինիկ հարձակումը մեծածավալ ավերածություններ է առաջացրել բնակելի հատվածում։ Վեց մասնավոր տնային տնտեսության տարածքում միաժամանակ այրվում էր մոտ 15 շինություն», – ասվում է Պետական Արտակարգ իրավիճակների ծառայության հայտարարության մեջ։
Ուկրաինայի ռազմաօդային ուժերն էլ հայտնել են, որ հակաօդային պաշտպանության համակարգերը ոչնչացրել են 97 հարվածային անօդաչու թռչող սարքերից 78-ը։
Թարգմանությունը՝ Էմմա Չոբանյանի
