08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
Պուտինի հետ հանդիպումից առաջ Արաղչին հայտարարել է, որ Իրանը և ՌԴ-ն կքննարկեն «ընդհանուր սպառնալիքները»
Քաղաքականություն
23.06.2025 | 13:41
Իրանը և Ռուսաստանը սերտ խորհրդակցություններ են անցկացնում «ընդհանուր սպառնալիքներին հակազդելու համար»։ Այս մասին հայտարարել է Իրանի արտաքին գործերի նախարար Աբբաս Արաղչին Մոսկվա ժամանելուց հետո՝ Ռուսաստանի նախագահ Վլադիմիր Պուտինի հետ հանդիպմանն ընդառաջ, փոխանցում է ՏԱՍՍ-ը։
«Մենք և Ռուսաստանը միշտ ունեցել ենք ընդհանուր մտահոգություններ, ընդհանուր անհանգստություններ և ընդհանուր հակառակորդներ։ Մենք միշտ կիսում ենք ընդհանուր համոզմունքներ, սերտ խորհրդակցություններ ենք անցկացնում միմյանց հետ՝ ընդհանուր մարտահրավերներին և սպառնալիքներին դիմակայելու համար։ Հենց սա է, ինչ մենք պետք է անենք երկուշաբթի օրը Ռուսաստանի նախագահի հետ հանդիպման ժամանակ», – ասել է Արաղչին Իրանի պետական հեռուստատեսության և ռադիոընկերության եթերում։
ՌԴ նախագահ Վլադիմիր Պուտինի օգնական Յուրի Ուշակովը հաստատել է, որ այսօր սպասվում է Արաղչիի հանդիպումը Ռուսաստանի ղեկավարի հետ։
«Այո՛», – պատասխանել է նա համապատասխան հարցին։
Թարգմանությունը՝ Էմմա Չոբանյանի
