21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Ինչի՞ մեր պարեկները ամրագոտի չեն կապում, ֆոտոներ կանեմ, կուղարկեմ ձեզ. Թորոսյանը՝ նախարարին. ՏԵՍԱՆՅՈՒԹ
Հասարակություն
04.06.2025 | 16:51
«Ինչի՞ մեր պարկներն ամրագոտի չեն կապում»,- ԱԺ համատեղ հանձնաժողովի համատեղ նիստերում 2024 թվականի պետբյուջեի կատարողականի նախնական քննարկումների ժամանակ ՆԳ նախարար Արփինե Սարգսյանին հարց ուղղեց ՔՊ պատգամավոր Արսեն Թորոսյանը։
Նախարարն արձագանքեց, որ պարեկներն ամրագոտի կապում են։ Արսեն Թորոսյանը հակադարձեց Արփինե Սարգսյանին՝ պնդելով, որ պարեկներն ամրագոտի չեն կապում, իսկ որպես ապացույց կարող է բազմաթիվ լուսանկարներ անել և ուղղարկել նրան։
Ըստ Թորոսյանի՝ քաղաքացիներն ավելի հեշտ կենթարկվեն, եթե տեսնեն, որ պարեկները ևս ամրագոտի են կապում։ Իշխանական պատգամավորը Արփինե Սարգսյանին հարցրեց, թե կարող են քաղաքացիներին, օրինակ, 10 օր ժամանակ տալ, որպեսզի նրանք հանուն իրենց կյանքի անվտանգության ամրագոտի կապեն։
Ի պատասխան պատգամավորի հարցադրումների Սարգսյանն ասաց․«Ես հանձնարարել եմ պարեկային ծառայողներին, անկախ նրանից, որ օրենքը թույլ է տալիս նրանց ծառայության իրականացման շրջանակներում չամրակապվելու, այնուամենայնիվ ծառայության ընթացքում ամրակապվեն, եթե չկա բացառիկ իրավիճակ։ Հանձնարարականից հետո գրեթե 90 տոկոսով նկատում է, որ ամրագոտիները կան»։
Մանրամասները՝ տեսանյութում։
Մանյա Պողոսյան
