Հասարակություն
02.06.2025 | 16:42
Կրթության տեսչական մարմնի ղեկավար Վաղարշակ Մատիկյանը որևէ անշարժ կամ շարժական գույք չունի։ Կոռուպցիայի կանխարգելման հանձնաժողով նրա ներկայացրած հայտարարագրից տեղեկանում ենք, որ 2024 թվականին Մատիկյանի միակ եկամուտն աշխատավարձն է եղել՝ 14․5 մլն դրամ։
Նա հայտարարագրել է 30 հազար դրամ բանկային ավանդ, իսկ բանկային հաշիվներին ունեցել է 3078 դոլար և 2․6 մլն դրամ, կանխիկ՝ 2․1 մլն դրամ։ Մատիկյանը 514 հազար դրամ վարկ ունի։
Պաշտոնյայի հայրը՝ Լյովա Մատիկյանը, հայտարարագրել է բնակարան և ավտոտնակ Երևանում, ամառանոց և հողամաս Ջրվեժում։ Նա ունի KIA մակնիշի ավտոմեքենա։
Լյովա Մատիկյանը 2024-ին 1․1 մլն դրամով գնել է «Ֆասթ Բանկի» պարտատոմսեր, թեև որևէ եկամուտ չի հայտարարագրել։ Անցած տարի նա նաև 1․6 մլն դրամ բանկային ավանդ է դրել, ևս 1 ավանդ ունի 4 մլն դրամ ծավալով։ Նա հայտարարագրել է 35 հազար դրամ կանխիկ գումար։
Գայանե Խաչատրյան
