24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Գազայում ճգնաժամը հասել է աղետալի մակարդակի պատերազմի սկզբից ի վեր․ ՄԱԿ-ի պաշտոնյա
Քաղաքականություն
31.05.2025 | 12:48
Մարդասիրական գործերի համակարգման գրասենյակին (OCHA) հղում անելով՝ ՄԱԿ-ի խոսնակ Ստեֆան Դյուժարիկը մամուլի ասուլիսի ընթացքում հայտարարել է, որ «Գազայում իրավիճակը վաթարագույնն է 2023 թվականի հոկտեմբերին Իսրայելի ռազմական գործողությունների սկզբից ի վեր»․ գրում է «Անադոլու» գործակալությունը։
Դյուժարիկն ասել է, որ Իսրայելի հարվածները սաստկացել են հատկապես Գազայի հյուսիսում, որտեղ «Ալ Ավդա» հիվանդանոցի (տարածաշրջանում վերջին մասնակիորեն գործող հիվանդանոցը) բուժառուներին ստիպված են եղել տարհանել՝ կրկնվող հարձակումների պատճառով։
«Գազայում, միայն վերջին երկու շաբաթների ընթացքում, տեղահանվել է մոտ 200,000 մարդ», – ասել է նա՝ հավելելով, որ Իսրայելի կողմից արված տեղահանման հրամանն ընդգրկում է Գազայի տարածքի մոտ 30%-ը, մինչդեռ շատ խաղաղ բնակիչներ տեղափոխվում են «սնունդ և անհրաժեշտ պարագաներ փնտրելու, այլ ոչ թե տեղահանման հրամանի պատճառով»։
Օգնության մատակարարման վերաբերյալ Դյուժարիկը նշել է, որ չորեքշաբթի օրը հասցվել է ընդամենը հինգ բեռնատար։
«Մնացած 60 բեռնատարները ստիպված էին վերադառնալ անցակետ՝ տարածքում լարված ռազմական գործողությունների պատճառով», – ասել է նա։
Պաղեստինի առողջապահության նախարարության տվյալներով՝ 2023 թվականի հոկտեմբերի 7-ին Գազայի հատվածում Իսրայելի կողմից հարձակում սկսվելուց ի վեր, առնվազն 970 պաղեստինցի է սպանվել և ավելի քան 7000-ը վիրավորվել։
Թարգմանությունը՝ Անահիտ Խաչատրյանի
