24.06.2026 | 22:24
Հայաստանի դիվանագիտական ծառայության ներկայացուցիչների մոտ կեսը կանայք են. ԱԳՆ
ՌԴ-ի և Թուրքիայի ԱԳ նախարարները հեռախոսազրույցում քննարկել են հունիսի 2-ին Ստամբուլի նախատեսված հանդիպումը
Քաղաքականություն
30.05.2025 | 18:41
Ռուսաստանի և Թուրքիայի արտաքին գործերի նախարարներ Սերգեյ Լավրովը և Հաքան Ֆիդանը հեռախոսազրույց են ունեցել, որի ընթացքում քննարկել են հունիսի 2-ին Ստամբուլում նախատեսված Մոսկվայի և Կիևի միջև երկկողմ ուղիղ բանակցությունների հաջորդ փուլի նախապատրաստական աշխատանքները։ Այս մասին հայտնում է ՌԴ ԱԳՆ-ն, փոխանցում է ՏԱՍՍ-ը։
«Արտաքին քաղաքականության գերատեսչությունների ղեկավարները քննարկել են հունիսի 2-ին Ստամբուլում կայանալիք ռուս-ուկրաինական ուղիղ երկկողմ բանակցությունների հաջորդ փուլի նախապատրաստման կազմակերպչական ասպեկտները»,- ասվում է ՌԴ ԱԳՆ հաղորդագրության մեջ։
Կիևը դեռևս պաշտոնապես չի հաստատել իր մասնակցությունը բանակցություններին, սակայն Ուկրաինայի նախագահի աշխատակազմի ղեկավար Անդրեյ Երմակը հայտարարել է, որ Կիևը պատրաստ է նոր փուլին, բայց որպեսզի զրույցը կառուցողական լինի, ուկրաինական պատվիրակությունը պետք է նախապես ծանոթանա ռուսական հուշագրին։
Մայիսի 28-ին Լավրովը հայտարարել էր, որ Ռուսաստանն առաջարկում է Ուկրաինային հունիսի 2-ին Ստամբուլում անցկացնել ուղիղ բանակցությունների երկրորդ փուլ։ Նրա խոսքով՝ Մոսկվան պատրաստել է հուշագիր, որը ներկայացնում է իր դիրքորոշումը «ճգնաժամի արմատական պատճառների հուսալի հաղթահարման բոլոր ասպեկտների վերաբերյալ», որի շուրջ կողմերը համաձայնության էին եկել բանակցությունների առաջին փուլի ընթացքում։ Ուկրաինան պնդում է, որ Ռուսաստանը նախապես հանձնի փաստաթուղթը։
Հիշեցնենք, որ Ստամբուլում մայիսի 16-ին տեղի է ունեցել բանակցությունների առաջին փուլը։
Թարգմանությունը՝ Էմմա Չոբանյանի
