Վլադիվոստոկի Դեսանտնայա ծովախորշի շրջանում պայթյուններ են տեղի ունեցել

Վլադիվոստոկի Դեսանտնայա ծովախորշի շրջանում երկու պայթյուն է տեղի ունեցել, զոհեր և ավերածություններ չկան։ Այս մասին հայտնում է Ինտերֆաքսը՝ հղում անելով Պրիմորիեի երկրամասի հակաահաբեկչական հանձնաժողովին, փոխանցում է Meduza-ն։

«Այսօր վաղ առավոտյան Վլադիվոստոկում, օպերատիվ ծառայությունների տվյալներով, Դեսանտնայա խորշի շրջանում տեղի է ունեցել երկու պայթյուն։ Դեպքի վայր են ժամանել հատուկ և արտակարգ ծառայությունները։ Միջադեպի տարածքը շրջափակվել է, Շամորա և Շչիտովայայի խորշի միջև երթևեկությունը մասամբ փակվել է»,- ասվում է հաղորդագրության մեջ։

Հանձնաժողովը նշել է, որ «սպառնալիքը չեզոքացվել է», «իրականացվում են մի շարք միջոցառումներ՝ միջադեպի տարածքում անվտանգությունն ապահովելու համար»։ Դեպքի մանրամասները չեն հաղորդվում։

«ВЧК-ОГПУ» տելեգրամ ալիքն ու Vladivostok1.ru լրատվականը հայտնել են, որ անվտանգության կառույցների ներկայացուցիչները փակել են Դեսանտնայա խորշ տանող ճանապարհը, խուզարկել են ծոցից մեքենայով դուրս եկող մարդկանց։ Նշվում է, որ տարածքում ոստիկանական մեքենաների, շտապօգնության մեքենաների և զինվորական համազգեստով մարդիկանց կուտակում է։ Պայթյուններից կարճ ժամանակ առաջ այս տարածքում սկսել են ուղղաթիռներ թռչել, իսկ պայթյուններից հետո հսկողության ներքո տեղափոխվել են որոշ խոշոր առարկաներ, հնարավոր է՝ մեքենաներ։

Ավելի ուշ Պրիմորիեի երկրամասի հակաահաբեկչական հանձնաժողովը հայտնել է, որ Դեսանտնայա ծովախորշում տեղի ունեցած պայթյունների պատճառն ավտոմեքենաներից մեկում պրոպան-բութան խառնուրդով բալոնների բռնկումն է։

Թարգմանությունը՝ Էմմա Չոբանյանի