18.02.2026 | 22:52
14 ժամ ջուր չի լինի Շենգավիթ վարչական շրջանի մի շարք հասցեներում
Թեհրանի խաղաղ միջուկային էներգիայի իրավունքը քննարկման ենթակա չէ․ Իրանի ԱԳ նախարար
Քաղաքականություն
19.05.2025 | 13:24
Իրանի ԱԳ նախարար Աբբաս Արաղչին հեռախոսազրույց է ունեցել Թուրքիայի ԱԳ նախարար Հաքան Ֆիդանի հետ։ IRNA-ի փոխանցմամբ՝ Արաղչին տեղեկացրել է Իրանի և ԱՄՆ-ի միջև անուղղակի բանակցությունների վերջին զարգացումների, ինչպես նաև Իրանի ու եվրոպական երեք երկրների՝ Ֆրանսիայի, Մեծ Բրիտանիայի և Գերմանիայի միջև վերջերս կայացած հանդիպման մասին։
Նա ընդգծել է, որ Իրանի միջուկային օրինական իրավունքները, Միջուկային զենքի չտարածման մասին պայմանագրի (NPT) համաձայն, պետք է հարգվեն, նաև ասել է, որ եթե մյուս կողմից կա իրական քաղաքական կամք և Իրանի իրավունքների նկատմամբ հարգանք, Թեհրանը պատրաստ է կառուցել փոխշահավետ փոխգործակցություն՝ պատժամիջոցների վերացման դիմաց։
Ֆիդանն իր հերթին բարձր է գնահատել Իրանի կառուցողական մոտեցումը դիվանագիտության հարցում և հայտնել այս հարցում ցանկացած օգնություն ցուցաբերելու՝ Թուրքիայի պատրաստակամությունը։
Թուրքական լրատվամիջոցներն էլ, վկայակոչելով երկրի ԱԳՆ աղբյուրներին, հայտնում են, որ հեռախոսազրույցի ընթացքում կողմերը քննարկել են Իրանի միջուկային ծրագրի շուրջ բանակցությունները։
Հիշեցնենք, որ Թեհրանն ու Վաշինգտոնը Օմանի միջնորդությամբ անցկացրել են Իրանի միջուկային ծրագրի ու երկրի դեմ ԱՄՆ պատժամիջոցների վերացման վերաբերյալ բանակցությունների չորս փուլ։
Ավելի վաղ էլ Իրանի Իրանի գերագույն հոգևոր առաջնորդի ավագ խորհրդական Ալի Շամխանին հայտարարել էր, որ Թեհրանը պատրաստ է որոշակի պայմաններով միջուկային համաձայնագիր կնքել ԱՄՆ նախագահ Դոնալդ Թրամփի հետ՝ տնտեսական պատժամիջոցների վերացման դիմաց։
Թարգմանությունը՝ Էմմա Չոբանյանի
