06.12.2025 | 18:41
Տավուշի մարզի պարեկները ձկնագողության դեպք են բացահայտել. վնասի չափը՝ շուրջ 470 հազար դրամ. ՆԳՆ
Ոստիկանները հատուկ պահպանվող տարածք տեղափոխված մեքենաներ ու մեքենայի մասեր են հափշտակել. 2 անձ ձերբակալվել է
Հասարակություն
16.05.2025 | 18:40
Այսօր Հակակոռուպցիոն կոմիտեն 2 ոստիկանի է ձերբակալել: Այս մասին հայտնում են իրավապահ համակարգում Factor TV-ի աղբյուրները:
Ըստ գործի՝ ձերբակալված անձինք Ոստիկանության Պարեկային ծառայության Երևան քաղաքի գնդի հերթապահ ծառայության պահպանվող հատուկ տարածքում պահվող մեքենաներից ավտոպահեստամասեր են հափշտակել և վաճառել, իսկ մի շարք դեպքերում էլ հենց մեքենաներն են հափշտակել ու վաճառել։
Մեր տեղեկություններով՝ ձերբակալվածներից մեկը, որն այժմ պարեկ է, նախկինում զբաղեցրել է Ոստիկանության պարեկային ծառայության Երևան քաղաքի գնդի հերթապահ ծառայության բաժնի նախկին պետի պաշտոնը, մյուսը ինչպես ենթադրյալ հանցանքը կատարելու պահին, այնպես էլ այժմ աշխատում է հերթապահ ծառայությունում:
Հակակոռուպցիոն կոմիտեն այս պահին որևէ մեկնաբանություն չի տալիս գործի վերաբերյալ, սակայն մեզ հայտնի է, որ ձերբակալված անձինք արդեն իսկ մեղադրյալի կարգավիճակ ունեն:
Արաքս Մամուլյան
