19.12.2025 | 22:50
Իսրայելում ՌԴ քաղաքացի է ձերբակալվել Իրանի օգտին լրտեսության մեղադրանքով
Սա շատ կարևոր նախագիծ է, որով մենք աջակցություն ենք ցույց տալիս ռազմարդյունաբերության ոլորտում ձեռնարկատիրական գործունեությամբ զբաղվող ընկերություններին․ Տրդատ Սարգսյան
Քաղաքականություն
15.05.2025 | 16:34
ԱԺ պաշտպանության եւ անվտանգության հարցերի մշտական հանձնաժողովը մայիսի 15-ին գումարել է արտահերթ նիստ: Այն վարել է հանձնաժողովի նախագահ Անդրանիկ Քոչարյանը:
Երկրորդ ընթերցմամբ քննարկվել է «Քաղաքացիական պայմանագիր» խմբակցության պատգամավորներ Տրդատ Սարգսյանի եւ Արմեն Խաչատրյանի հեղինակած ««Ռազմարդյունաբերական համալիրի մասին» օրենքում լրացում կատարելու մասին» օրենքի նախագիծը: Առաջարկվում է իրավական հիմքեր ստեղծել ՀՀ կառավարության համար իր սեփականություն հանդիսացող ռազմական նշանակության արտադրանքը կոնկրետ սուբյեկտներին օտարելու համար:
«Սա շատ կարեւոր նախագիծ է, որով մենք աջակցություն ենք ցույց տալիս ռազմարդյունաբերության ոլորտում ձեռնարկատիրական գործունեությամբ զբաղվող ընկերություններին»,- ընդգծել է համահեղինակ, պատգամավոր Տրդատ Սարգսյանը: Նա նշել է, որ առաջինից երկրորդ ընթերցում ընկած ժամանակահատվածում առաջարկներ չեն ներկայացվել, նախաձեռնությունը չի փոփոխվել:
Կարեւորելով նախաձեռնության ընդունումը՝ հանձնաժողովի նախագահ Անդրանիկ Քոչարյանը կարծիք է հայտնել, որ այն ռազմարդյունաբերության ոլորտի խնդիրները լուծելու հնարավորություն կտա:
Հարակից զեկուցող, պատգամավոր Արտյոմ Մեհրաբյանը եւ ՀՀ բարձր տեխնոլոգիական արդյունաբերության նախարար Մխիթար Հայրապետյանը եւս ողջունել են նախաձեռնությունը: Նախարարն առաջարկել է կատարել որոշ խմբագրական փոփոխություններ, որոնք ընդունելի են համարվել հեղինակների կողմից:
Կառավարության առաջարկների հիման վրա լրամշակված նախաձեռնությունն արժանացել է հանձնաժողովի հավանությանը:
