08.09.2026 | 15:43
Ջերմաստիճանը կբարձրանա առաջիկա օրերին
Դավիթ Խուդաթյանը Ջրային կոմիտեի աշխատակազմին է ներկայացրել նորանշանակ նախագահին
Քաղաքականություն
08.05.2025 | 22:40
Այսօր ՀՀ ՏԿԵ նախարար Դավիթ Խուդաթյանը Ջրային կոմիտեի աշխատակազմին է ներկայացրել նորանշանակ նախագահ Կարեն Սեդրակյանին։
Նախարարը շնորհավորել է նրան նշանակման կապակցությամբ՝ ընդգծելով ջրային ոլորտի կարևորությունը երկրի զարգացման համար։ «Պետք է անել առավելագույնը՝ մեր քաղաքացիների համար շոշափելի արդյունքներ ապահովելու համար»,- նշել է Դավիթ Խուդաթյանը։
Նախարարը շնորհակալություն է հայտնել նաև կոմիտեի աշխատակազմին և նախագահի ժամանակավոր պաշտոնակատար Մարտիրոս Նալբանդյանին՝ կատարած հսկայածավալ աշխատանքի համար։
Կարեն Սեդրակյանն իր շնորհակալությունն է հայտնել վարչապետ Նիկոլ Փաշինյանին վստահության համար՝ ընդգծելով, որ գիտակցում է ոլորտի բոլոր բարդությունները, սակայն վճռական է գործել արդյունավետ և լուծումներ տալ առկա խնդիրներին։
