29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Բայրամովն Իրաքի ԱԳՆ-ի հետ խոսել է Հայաստանի և Ադրբեջանի միջև խաղաղության հասնելու խոչընդոտներից
Քաղաքականություն
07.05.2025 | 20:34
Պաշտոնական այցով Իրաքում գտնվող Ադրբեջանի ԱԳ նախարար Ջեյհուն Բայրամովը նեղ ու ընդլայնված կազմով հանդիպումներ է անցկացրել այդ երկրի ԱԳ նախարար Ֆուադ Հուսեյնի հետ։ Ադրբեջանի ԱԳՆ-ի հաղորդմամբ՝ Բայրամովը իրաքյան կողմին տեղեկացրել է «Հարավային Կովկասի տարածաշրջանում հետհակամարտական իրավիճակի» և «ազատագրված» տարածքների ականազերծման մասին։
Նա նաև խոսել է «Ադրբեջանի և Հայաստանի միջև վերջնական խաղաղության հասնելու ճանապարհին խոչընդոտների մասին»։
Կողմերը քննարկել են երկկողմ և բազմակողմ համագործակցության ամրապնդման հնարավորությունները՝ կենտրոնանալով այնպիսի հիմնական ոլորտների վրա, ինչպիսիք են տնտեսությունը, առևտուրը, էներգետիկան, տրանսպորտը և կապը, գիտությունը, մշակույթը, կրթությունը և զբոսաշրջությունը։
Քննարկվել են նաև տարածաշրջանային և համաշխարհային օրակարգի արդիական հարցեր, պատվիրակությունները մտքեր են փոխանակել անվտանգության հարցերի շուրջ։
Թարգմանությունը՝ Էմմա Չոբանյանի
